Salvador Valdés Mesa
.jpg) (2016)  | |
| Nome orixinal | (es) Salvador Antonio Valdés Mesa |
|---|---|
| Biografía | |
| Nacemento | 13 de xuño de 1945 (79 anos) Amancio, Cuba |
 Vice-President of Cuba (en)  | |
| 19 de abril de 2018 – ← Miguel Díaz-Canel | |
| Actividade | |
| Ocupación | político, sindicalista, enxeñeiro agrónomo |
| Partido político | Partido Comunista de Cuba |
Salvador Antonio Valdés Mesa, nado en Cuba o 13 de xuño de 1945, é un político e ex-dirixente sindical cubano. É o primeiro vicepresidente dos Consellos de Estado e de Ministros de Cuba dende o 19 de abril de 2018. Foi un do cinco vicepresidentes do Consello de Estado dende febreiro de 2013 até abril de 2018 e integra o Buró Político do Partido Comunista de Cuba (PCC) dende o ano 2008. Foi secretario xeral da Central de Traballadores de Cuba entre 2006 e 2013.
Traxectoria
[editar | editar a fonte]Salvador Valdés formou parte da Asociación de Mozos Rebeldes (AJR) dende 1961, logo do triunfo da Revolución Cubana. Comezou a súa actividade laboral como traballador agrícola até graduarse de enxeñeiro agrónomo. Foi dirixente da Central de Traballadores de Cuba (CTC) e do Partido Comunista de Cuba (PCC).[1][2]
Exerceu como ministro de Traballo e Seguridade Social entre 1995 e 1999, data en que foi elixido primeiro secretario do PCC na provincia de Camagüey. É deputado da Asemblea Nacional do Poder Popular dende 1993, integra o Buró Político do Comité Central do Partido Comunista de Cuba e é membro do Consello de Estado, onde exerceu unha das cinco vicepresidencias entre 2013 e 2018.[3][4]
Como un dos vicepresidentes do Consello de Ministros, Salvador Valdés viaxou en misións oficiais a Latinoamérica, África e Asia, onde foi recibido polo presidente chinés Xi Jinping e polo líder norcoreano Kim Jong-un.[5]
O 18 de abril de 2018 foi elixido pola Asemblea Nacional como primeiro vicepresidente do Consello de Estado e, o día seguinte, o recentemente elixido presidente Miguel Díaz-Canel pediu a súa designación como primeiro vicepresidente do Consello de Ministros de Cuba. Aínda que a Constitución cubana non estabelece que o vicepresidente do Consello de Estado sexa o mesmo do Consello de Ministros, pero esta é unha práctica común en Cuba. Con estas designacións, Salvador Valdés é o primeiro afrocubano en converterse en "número dous" dese país caribeño.[5][6]
Notas
[editar | editar a fonte]- ↑ "Salvador Valdés Mesa".
- ↑ Editorial, Reuters. "PERFIL-De obrero agrícola a vicepresidente de Cuba: el ascenso de...". LTA (en castelán). Arquivado dende o orixinal o 19 de abril de 2018. Consultado o 19 de abril de 2018.
- ↑ "Diputados elegidos en la VIII Legislatura – Camagüey". Parlamento Cubano (en inglés). 30 de junio de 2016. Arquivado dende o orixinal o 25 de abril de 2018. Consultado o 18 de abril de 2018.
- ↑ "Salvador Valdés Mesa | Cubadebate". Consultado o 18 de abril de 2018.
- ↑ 5,0 5,1 "¿Quién es Salvador Valdés Mesa, el líder sindical propuesto para primer vicepresidente del nuevo Gobierno?". CiberCuba (en castelán). 19 de abril de 2018. Consultado o 18 de abril de 2018.
- ↑ "Acuerda Asamblea Nacional posponer constitución del Consejo de Ministros". Cubadebate (en castelán). 19 de abril de 2018. Consultado o 19 de abril de 2018.
Véxase tamén
[editar | editar a fonte] |
Wikimedia Commons ten máis contidos multimedia na categoría: Salvador Valdés Mesa  |